Mange har det vanskeleg i Malawi no. Det er snart slutt på regntida og like før innhausting av maisen. Det er viktigaste næringsemne og diverre altfor dominerande i kosthaldet her. På barneavdelinga ligg det no mange små med oppblæsne magar.
På KCH er det like travelt som alltid. Det er hardt å prioritera, når det er så mange som treng kirurgisk behandling, og ikkje alle kan få det. Av og til vert operasjonsprogrammet avlyst av grunnar som er ganske uverkelege for oss. Det kan mangla operasjonsfrakkar, viktige medisinar eller blodbanken er tom.
prioriteringane i helsestellet er også kritikkverdig. Det manglar uhorveleg med sjukepleiarar.Kirkens Nødhjelp har bygd ut fleire sjukepleiarskularog sytt for lærarkrefter. No sluttar Rejeringa her å "subsidiera " utdanninga. Det kostar 350000 kwacha pr. år. Ei sjukepleiarløn er 25000 kwacha pr månad ( ca. 1000 kr.) Ikkje rart at til årets kull møtte det nesten ingen opp til studiestart.
Vårt helseprosjekt består av Mødrehelse med jordmødre og gynekologar. I tillegg er det kirurgi- og ortopediprosjekt. Vi har tatt på oss å utdanna tre kirurgar frå Malawi lokalt, og planar om å utvida det. Prosjektet er finansiert gjennom Norad via Den norske ambassaden her. Vi var difor spente på ei evaluering som no er gjennomført. Vi fekk svært gode skussmål og ynskje om at prosjektet kan halda fram, frå dei uavhengige "granskarane". Vonbrotet var STORT då ambassaden alt har konkludert med at dei ikkje vil finansiera det lenger enn til november. SKANDALE! Dermed bryt utdanninga saman, og ortopeditenester og fødehjelp blir utradert. Vi gjev ikkje opp utan kamp....U.tanriksministeren (Erik Solheim) har sagt at helse ikkje er prioritet lenger. No er det treplanting som gjeld
