Snipp,snapp, snute...

Gode vener
Dette blir det siste innlegget vårt på bloggen for denne gong. Vi reiser heimatt 29.juli, og gler oss sjølvsagt mykje  til det. Det er likevel vemodig å reisa herifrå. Vi har lært mykje og fått mange gode vener.
Maries har rukke å bli gudmor til 9 kjuklingar. Ho er stolt som ein h..

Vi var innom og tok farvel med skulen i Kauma. Det er den mange av dykk har sponsa med dykkar bidrag då Mai,Tom og Lise hadde innsamling på Tre Brør kafe. Skal seia dei pengane rakk til mykje. Skulebøker til alle elevane (før måtte mange dela på utslitne bøker), nye tallerknar og skåler til skulelunsjen. I tllegg samla de inn nok pengar til å skifta ut ei vindskeiv og øydelagt dør til klasserommet. Dei var utruleg takksame for gåvene.

Rektor James viser fram dei nyinnkjøpte bøkene og tallerknane.

I morgon er siste dagen min på KCH. I dag hadde eg min siste operasjon i denne omgang. Det var ein pasient med beinbrot i underarmen med stor feilstilling.  Fotballskade frå 6.juni!

Dersom det skulle vera nokre helsearbeidarar som les bloggen, så vil eg varmt tilrå eit opphald i Malawi. Det er stor mangel på alle slag fagfolk, og du blir garantert vel teken imot!

Zikomo kwambiri!